Жените, за разлика од мажите, пред се ги паметат негативните информации кога читаат весник, што ги прави почувствителни на стрес, покажале резултатите од истражувањето на група канадски научници објавено во "PLoS ONE"...

Канадските научници дошле до заеднички заклучок по испитувањето на 30 жени и 30 мажи. Сите учесници морале да читаат листови меѓу кои некои содржале негативни информации, а другите неутрални вести.

Истражувачите по два дена побарале од истите лица да се присетат на што повеќе информации од листовите. Резултатите покажале дека нивото на кортизол (хормонот на стрес) останал исти кај мажите и жените кои читале неутрални вести, па дури и кај мажите кои читале лоши вести.

Кај жените, соочени со негативните вести, нивото на кортизол било значително повисоко во однос на останатите.

Со тоа се констатирало дека иако читањето на негативни информации не го потикнува директно хормонот на стрес, тоа сепак ги прави жените психолошки реактивни на стресни ситуации.