Дали понекогаш сте се обиделе да ги прикриете подочниците и сте дошле до заклучок дека коректорот ги направил само уште повидливи? Можеби едноставно користите погрешни производи...

1.Коректорот мора да биде кремаст
Густиот коректор со кој ги прикривате мозолчињата нема да изгледа добро на вашите подочници. За подрачјето под очите потребен е кремаст коректор кој добро ќе се соедини со кожата.

2.Крема за подрачјето околу очите
Коректорот на сува кожа не изгледа добро, па затоа пред неговото нанесување, на подочниците со тапкање ставете малку крема наменета за тоа подрачје. Ако не користите такво нешто, послужете со обична хидратантна крема.

3.Внимателно изберете ја нијансата
Жените често ги избираат најсветлите бои на коректори за визуелно да ги "осветлат" подочниците. Но, со тоа само уште повеќе го привлекуваат вниманието на нив. Добриот коректор би требало да биде за нијанаса посветол од тенот (не од бојата на вашите подочници) и да биде избран во склад со тоновите на лицето.

4.Немојте да ставате премногу коректор
Преголемата количина на шминка исто така ќе привлече внимание на подочниците па затоа секогаш добро истапкајте го коректорот со прстите или со сунѓерче и користете го во мали количини.