Германски педијатри овие денови ги предупредиле новите родители да не набавуваат мајчино млеко за своите новороденчиња преку Фејсбук затоа што тоа би можело да биде штетно, туку подобро да користат млеко во прав...

Предупредувањето следело по пишувањето на неделникот "Шпигел" за набавките на мајчино млеко преку "мрежите".

Германското Професинално здружение на педијатрите во пишано соопштение истакнува дека, иако мајчиното млеко во принцип е најдобра опција за бебе, не би требало да се бара преку интернет затоа што жените кои го даваат тоа млеко можеби користат некакви лекови или дрога или да боледуваат од заразни болести како што се сида или хепатитис.

"Никој не може да провери дали млекото од непознатата мајка е штетно за одредено бебе", истакнува Волфрам Хертман, претседател на здружението.

Тој напоменува и дека квалитетот на нарачаното мајчино млеко може да се влоши во транспортот, како и тоа дека  нутративните потреби на штотуку роденото бебе не се исти како оние кои ги има бебето старо неколку недели или месец дена.