Добро утро! Дали спиевте добро? За еден нов почеток на денот ќе ви прикажеме неколку трикчиња со кои секое утро ќе се будите уште поубави и посвежи! Па, ако денес не сте во својата максимална форма, во ред е! Веќе ќе знаете што да направите вечерва за утре сите да ви се воодушевуваат на вашиот свеж изглед...
Променете го стилот на спиење!
За да бидете поубави наутро и да го задржите својот младешки изглед за подолго, експертите препорачуваат да спиете на грб. Зошто? Многу едноставно - кога сте свртени на една страна притисокот врз лицето е посилен, што може да доведе до рана појава на брчки. Покрај тоа, кога спиете на грб, циркулацијата во кожата на лицето е подобро и веројатноста да се разбудите подуени е многу помала.
Направете си одлична фризура наутро!
За да уживате во обемот и раскошната фризура наутро кога ќе се разбудите, едноставно искористете еден лесен трик. Пред спиење нанесете пена за коса на прамените. Стуткајте ја косата и врзете ја високо во несериозна пунџа, со помош на мек ластик за коса. Важно е да не го стегате многу! Наутро едноставно пуштете ја косата и готово!
Спејте во сатенски чаршафи!
Уште еден начин да ги избегнете непријатните бразди на лицето наутро! Нежноста и мекоста на сатенот ќе се погрижат да се разбудите со мазна и убава кожа.
