Едно училиште во Џорџија која вовела фитнес програма пред училиште, дошла до заклучок дека децата кои чекорат само 25 до 30 минути се поактивни на часовите и имаат подобри оценки.

Кога 207 физички неактивни деца почнале да вежбаат само 40 минути дневно, изјавиле дека се помалку тажни и дека имаат подобро мислење за себе.

Официјалната препорака за децата е 60 минути физичка активност дневно, а поделбата во пократки сегменти може да биде поедноставен начин за семејството со многу обврски.

Професионалците препорачуваат во програмата за активност да се вклучи и аеробик и тоа во смисла на брзо шетање најмалку три пати неделно, потоа вежби за јакнење на мускулите и коските како што се гимнастика и склекови.

Професионалците, исто така, препорачуваат да се користат скалилата, автомобилите да се паркираат далеку од влезот во продавницата и одење на кратки оддалечености наместо возење со автомобилот.

Доктор Ханса Баргава препорачува ограничување на гледањето телевизија затоа што, како што вели „што повеќе време вашето семејство поминува пред екранот - телевизор, компјутер, телефон, помалку ќе вежба“.

Баргава како пример го навела својот син кој еден ден се прозевнал и рекол дека е уморен, а потоа отишол да скока на трамболината.

Неколку минути подоцна се вратил со насмевка на лицето и рекол дека е подготвен да ја напише домашната работа.