Со пушењето во авотомобилот се зголемува нивото на опасни ситни загадувачки честички до вредност значително повеќе од она што го препорачува Светската здравствена организација (СЗО), утврди тим на шкотски стручњаци од Абердинскиот универзитет...

Со помош на електронски монитор поставен на задното седиште, во текот на три дена е мерана концетрацијата на споменатите честички во автомобилите кои ги возеле 17 луѓе, од кои 14 биле пушачи.

Во текот на возењето за време на кое возачот пушел, просечната вредност на ситните загадувачи честички во автомобилот достигнала 85 микрограми по кубен метар, додека СЗО како граница за загадување на затворени простории со овие честички ја одредува 25 микрограми на кубен метар.

Дури и кога возачок ќе го отвори прозорот и ќе ја вклучи вентилацијата, нивото на овие честички сеуште би било повисоко од она што го препорачува СЗО.

Овие честички се опасни затоа што можат да навлезат длабоко во плучата. Со нив значително се загрозува и  здравјето на децата, истакнува водичот на истражувањето Шон Симпл, напоменувајќи дека во се повеќе земји почнува да се забранува пушењето во авомобилите.