Со првите студени есенски денови и пожолтените лисја доаѓаат и првите весници на есената. Речиси е невозможо да ја одвоите сликата на есента од мирисот на топли печени костени...

Секој од нас има омилен начин на подготовка на овој вкусен есенски плод. Повеќето уживаат во класично подготвените печени костени, додека други ги додаваат во секакви јадења.

Костенот спаѓа во групата на јаткасти плодови, а за разлика од другите плодови од оваа група, костенот содржи витамин Ц и има помала содржина на масти. Богат е со витамините од групата Б како и минералите: магнезиум, калциум, калиум и фосфор. Костенот е богат и со влакна па така помага во ослободувањето од вишокот килограми, го намалува холестеролот и штити од појава на рак. Високите енергетски вредности, помагаат за ублажување на симптомите на астма и бронхитис и поволно влијае на циркулацијата.

Благодетите од овој вкусен есенски плод се огромни па секако треба да ја искористите сезоната за што повеќе да уживате во него. Облечете се топло и со вкусните печени костени во рака направете една убава прошетка и уживајте во боите на есента.