Француски научници откриле дека циметот го отстранува целулитот. Сувата кора на растението содржи антиоксиданси кои помагаат во борбата против дијабетесот и срцевите заболувања...

Ново истражување покажува дека циметот има уште едно корисно дејство, ефикасно отстранување на таканаречената портокалова кожа.

Дерматолози од Гренобл истражувале повеќе од една година 80 претставнички на понежниот пол, кои сакале да го надминат овој толку проширен проблем кај жените  - целулитот.

Половина од учесничките биле подложени на козметичка терапија која вклучувала и антицелулитни масажи во проблематичните области на телото. На другата половина им било нанесувано масло од цимет. На крајот на истражувањето биле споредени резултатите кои покажале дека на втората група учеснички целулитот им бил намален во просек за 60%, што е многу повеќе во споредба со првата група.

Екстракт од цимет исто така помага и во брзото закрепнување на новите клетки. Кај седум од жените третирани со екстракт од цимет лекарите забележале и намалување на килограмите, стресот и нормализирање на размената на материите.