Според едно истражување се покажало дека спротивно на очекувањата, тренинзите за време на месечниот циклус кај жените влијаат позитивно на нивното тело...

Поради зголеменото ниво на прогестерон, организмот задржува поголема количина вода и затоа се јавува чувство на  подуеност. Исто така и температурата на телото е малку повисока од нормалната. На овој начин може да се познае кога жената е во процес на овулација.

Естрогенот е женски хормон, чие количество исто така, се зголемува за време на циклусот. Благодарение на него, организмот започнува да ја црпи својата енергија не од јагленохидратите, туку од мастите. На овој начин се топат повеќе калории доколку се вежба за време на месечен циклус.

Овде може да се направи споредба помеѓу начините на кои функционираат машкиот и женскиот организам. Мажите генерално имаат пропорционално поголеми срца од жените и транспорт на повеќе крв. Односно нивото на хемоглобинот, кој се пренесува во крвта е повисоко и до клетките достигнува поголема количина кислород. За сметка на тоа, горивото, на кое се потпираат жените е поквалитетно.