Пиење повеќе од три филџани кафе дневно го зголемува ризикот од губење на видот и слепило, открија американските научници...

Дури и конзумирањето на умерени количини на пијалокот може да доведе до глауком, што ги уништува очите, покажува истражувањето. Научниците на љубителите на кафе им препорачуваат да ги намалат количините за да се заштитат од болеста.

Истражувачите од Бостон мислат дека состојките во кафето го зголемуваат притисокот во очното јаболко, предизвикувајќи нарушување на видот, болест позната како ексфолиативен глауком. Сепак, тие не откриле никаква врска меѓу болеста и други производи кои содржат кофеин, како чај, кока-кола или чоколадо.

Претходното истражување покажа дека скандинавците имаат највисок процент на морбидитет од ексфолиативен глауком во светот. Тие исто така се и најголемите корисници на кофеиново кафе.

Во новата студија учествувале над 120 000 луѓе од Велика Британија и САД, кои биле над 40-годишна возраст и не боледувале од глауком.

Тие требало да одговорат колку кафе пијат на ден. Се покажало дека луѓето кои пиеле повеќе од три филџани дневно, ја зголемуваат опасноста од развој на глауком во однос на оние кои се воздржуваат од претераното пиење на кафе. Жените кои имаат роднини кои страдаат од глауком, исто така се изложени на повисок ризик.