Секој десетти вработен во седум европски земји изостанувал од работа поради депресија, покажало истражувањето кое опфатило околу 7.000 личности.

Истражувањето го спровело Европското здружение за депресија на подрачјето на Велика Британија, Германија, Италија, Данска, Турција, Шпанија и Франција.

Еден портал пренесува дека, според разултатите од истражувањето, вработените во Британија, Германија и Данска имаат најголеми шанси да изостанат од работа поради депресија, а кај вкупно 20% од анкетираните барем еднаш биле дијагностицирани со депресија.

Најмногу заболени од депресија има во Британија каде што таа дијагноза е поставена дури кај 26% од вработените, а најмалку во Италија каде што само 12% имале дијагноза на депресија.

Од оние кои страдале од депресија најмногу изостанувале од работа во Германија, Данска и Британија и тоа од 58% до 61%, додека најмалку изостаноци од работа има во Турција - 25% од депремираните изоставувале од работа.

Просечната „епизода“ на депресија траела 36 денови, најдолго во Британија - просчечно 41 ден, а најкратко во Италија - 23 денови.

Истражувањето покажало дека секој четврти вработен никогаш не би пријавил на работодавецот дека страда од депресија, секој трет сметал дека тоа би му ја загрозила работата, а од друга страна, третина работодавци кажале дека нема воспоставен систем кој би им помогнал во односите со вработените кои страдаат од депресија.