Времето пријатно застуди, но заедно со тоа се зголеми и ризикот од настинки. Не треба да се потценува сериозноста на настинка, затоа секогаш консултирајте се со лекар. Но, во меѓувреме има неколку домашни трикови кои ќе ви помогнат да се справите со непријатните симптоми...

Гаргара со топла солена вода
Врши одлична работа при црвенило на грлото. Стоплете 200 мл. вода, само внимавајте да не е премногу жешка. Додадете една лажица сол. Правете гаргара со солена вода 3 пати на ден по една минута.

Инхалација
При затнат нос ставете тенџере со малку вода на ринглата и почекајте да зоврие. Ставете крпа на главата и наведнете се над него за да ја вдишете пареата. Убаво е крпата да паѓа така што да не дозволува пареата да бега. Вдишувајте колку што можете подолго, но не повеќе од 6-7 мин.

Индиско оревче на гладно
Тоа страшно многу помага при грип, а корисно е и за варење на храната. Наутро на гладен стомак се зема ¼ лажичка индиско оревче во прав. 15 минути после тоа не се јаде и пие ништо.

Чај со мед
Класика во жанрот, но има одличен ефект при воспалено грло. Дури и да немате чај при рака, ставете си лажица мед во чаша топла вода. Медот го смирува грлото и ја намалува иритација предизвикана од кашлица.

Шеќер на шпоретот
Овој лек не е пријатен, но, има директен ефект при затнат нос. Загрејте ја ринглата и и директно врз неа ставете малку шеќер. Вдишувајте го со носот чадот што ќе се појави. Колку повеќе успеете да вдишувате, толку подобар резултат ќе има постапката.