Повеќето жени со задоволство би го стопирале стареењето по 40-тите, но бидејќи тоа е невозможно, со добра нега и правилен избор на средства, не е невозможно да го задржите младешкиот изглед на вашето лице...

На сите ни е добро познато дека кожата, особено во подрачјето околу устата и вратот, со тек на годините олабавува и почнува да ја губи својата еластичност, а и малите брчки во подрачјето околу очите пчнуваат да стануваат се подлабоки и повидливи, но овде во помош доаѓаат анти-ејџ (anti-age) кремите.

Mногу жени живеат со верувањето дека колагенот е главна состојка на таквите креми, но ниту една анти-ејџ крема, односно крема против стареење не го содржи самиот колаген, туку го содржи вашето тело.

Како тогаш делуваат анти-ејџ кремите? Молекулата на колагенот е премногу голема за да се впие во кожата, па затоа главната состојка на кремите е функционалниот креатин - комбинација од пептид и протеин која му помага на твоето тело да изгради дополнителен колаген, затоа што со зголемување на бројот на годините, бројот на колагенот во телото полека опаѓа, па така е потребен нов начин за обнова на истиот.

Што порано толку подобро!

Иако самиот назив кажува дека станува збор за креми кои го спречуваат стареењето, нема причина зошто и младите жени да не ги користат, Тоа е секако одличен начин за одржување на свежиот изглед и зацврстување на кожата.