Како што знаете, организмот многу подобро ја апсорбира храната наутро. Но, тоа не значи дека треба да се прејадеме. Напротив! Идејата е да ја избереме правилно храната која ќе ни обезбеди доволно енергија. Според диетолозите има неколку оброци кои се страшно штетни и од кои веднаш треба да се откажеме...

Кифлички
Корасани, колачи, кифли...Освен што се калорични бомби, тие содржат и големо количество транс масти. Ако толку ви се јаде нешто слатко, подобро направете си мусли со млеко и мед.

Банички
За жал, ќе треба да се откажете од вашите омилени банички, сирењаци и кашкавалки. Освен дека немаат речиси никакви корисни материи за организмот, тие се многу мрсни и создаваат чувство на тежина и ленивост. Можете да каснете баничка, но само ако е домашно приготвена. И тоа не повеќе од едно мало парче.

Палачинки
Омилениот појадок на повеќето од нас исто влегува во забранетата храна. Самата смеса за палачинки е многу калорична, а ако додадеме мармалад или чоколадо, можеме да си приредиме инсулински шок. Има една мала тајна - може да каснете палачинки, но само ако се приготвува со црно брашно и без јајца. За засладување користете малку мед.