Убавата кожа е сон на секоја жена, но третмани во козметичките салони не може да си дозволи секој. Затоа постои поефтина и поприродна варијанта за која нема да мора да штедите со месеци. Се работи за маски за лице кои може да ги направите сами...
Маска од краставица и јогурт
Една помала краставица ставете ја во миксер за да добиете смеса која ќе ја измешате со една лажица јогурт. Маската на лицето држете ја 20 минути, а подоцна нежно отстранете ја со крпа. Одлична e за враќање на влажноста на кожата.
Маска од банана и мед
Бананата измешајте ја со миксер и помешајте ја со лажица мед и една лажица павлака, потоа добиената смеса нанесете ја на лицето и оставете ја да делува 10 минути. Ова маска ќе ви го освежи тенот.
