Ако овие денови засилено ти опаѓа косата, не паничи - почна есента, годишното време кога косата паѓа повеќе од обично...

Засиленото губење на влакна на коата во есен е нормална реакција на изложувањето на сонце за време на летото кое предизвикува активација на хормонот задолжен за раст на косата.

Затоа, не грижете се ако овие денови сте забележале дека косата засилено ви опаѓа. Кај лекар треба да одите само ако тоа продолжи и по шест недели, или ако ви се чини дека бројот на вашите влакна кои ги наоѓате насекаде освен на главата, е преголем.

Еве како ќе проверите дали се работи за вообичаена сезонска појава или не. Не баш свежо измиената коса претиснете ја со дланките во пределот на темето и лесно влечете до крајот на влакната, над чиста бела површина, најдобро лист хартија. Ако по неколку такви потези ви паднат повеќе од 20 влакна, обратете се кај лекар за совет.

Ако косата не ви паѓа поради есента, тогаш можеби сте ја третирале со преагресивни препарати за фарбање, накадрување или исправување на влакната. И неквалитетните шампони можат да предизвикаат паѓање на косата, како и честото изложување на топлина при сушење на истата.

Здравствените причини можат да бидат многубројни. Земањето на одредени лекови, хормонски дисбаланс, но и болести на кожата на главата.

Ако сакате да го ублажите паѓањето на косата пијте витамин Б, цинк и грозје, а со вашиот фризер посоветувајте се за маска за коса или крем кој најмногу ќе ви одговара.