Стареењето е кошмар, кој ги прогонува не само дамите, туку и претставниците на посилниот пол...

Козметичките компании секојдневно исфрлаат производи кои ветуваат младост и убавина.

Изгледот денес е приоритет, а суетата краде се повеќе моменти од нашите животи. Наместо да давате вртоглави суми за третмани и масла, зошто не пробате нешто природно како овошјето и зеленчукот?

Природата се погрижила во нив да вложи многу материи кои успешно се борат со белезите на времето.

Вклучете ги во менито следниве производи и видете ги резултатите во огледало:

Авокадо - зелениот плод е богат со витамин Е и антиоксиданси кои ја штитат кожата од штетното влијание на животната средина. Авокадото ја помага регенерацијата на кожните клетки, што придонесува за свеж и младешки тен.

Грав - овие зрна се полни со влакна и калиум, кои помагаат за намалување на нивото на холестерол и на тој начин се намалува ризикот од болести на срцето. Главната корист за здравјето е содржината на растителни протеини

Темно чоколадо - секој вид, кој содржи најмалку 70% какао, е богат со протеини и витамин Б. Редовното конзумирање во мали количини од ова чоколадо ќе ви помогне за согорување на вишокот маснотии и за подобрување на здравјето на кожата и косата.

Брокула - овој зеленчук е одличен извор на влакна и витамин C, кои не само што помагаат за контрола на тежината, но исто така ја подобруваат и состојбата на кардиоваскуларниот систем.

Боровница - сините плодови се богати со витамин Ц, кој помага за циркулација. Боровинките содржат и некои минерали, кои помагаат да се контролираат процесите на стареење. Високата содржина на калиум пак помага во борбата со отоците (особено во пределот околу очите).