Не грижете се, има прехранбени производи и супстанции кои се особено погодни за помош на активноста на мозокот...

Омега-3 масни киселини
Омега-3 масните киселини се особено важни за нормалното функционирање на мозокот. Овие супстанции помагаат за изградба на значителен дел од самото мозочно ткиво.

Антиоксиданси
Оксидативната повреда на мозочните клетки е фактор, кој го условува бавното учење, лошата меморија и загубата на координација, кои често се појавуваат во напредната возраст. Антиоксидантите помагаат за заштита на клетките од оксидативна повреда така што ги напаѓаат слободните радикали - нестабилни молекули кои се формираат како резултат на загадувачите, употребата на алкохол, тутунскиот чад и нормалните метаболни процеси.

Витамин Б4
Б4 е клучен за развојот на мозокот и меморијата, а се содржи во жолчките. Тој го стимулира развојот на мозочните функции. Бидејќи не се произведува во организмот во доволни количини, потребно е да го набавиме преку соодветна храна.

Кофеин
Тој делува како лек стимулант, кој ги подобрува рефлексите и мозочната активност.

Гинко билоба
Гинко билобата ја подобрува циркулацијата на крвта во мозокот, и на тој начин ги забавува промените кои влијаат на когнитивните функции и меморијата, a го одржува видот и слухот. Во исто време, гинко билоба допринесува за одржување на концентрацијата и меморијата во услови на зголемен стрес.

Магнезиум
Магнезиумот е важен елемент за умствените способности и има корисен ефект врз нервниот, мускулниот и кардиоваскуларниот систем. Магнезиумот поседува и антиоксидантни својства и помага за забавување на процесот на стареење.