Вашиот smokey eyes look секогаш изгледа прекрасно на почетокот, но веќе неколку часа подоцна вашите очи изгледаат како воошто да не сте ги шминкале. Долготрајната вечерна шминка е сон на секоја девојка а со неколку наши совети ќе ви помогнеме конечно да го постигнете...

1.Набавете си база
Базата или основата за шминкање не е само добар маркетинг трик, таа навистина делува. Базата нанесете ја на капакот од очите неколку минути пред нанесување на сенката и добро размачкајте ја за да не настанат грутки.

2.Коректор на капаците
Ако не сакате да трошите пари за база, искористете го коректорот кој веќе го имате дома. Нанесете го на капаците се до веѓите и тапкајте со прстите. Сенката подобро ќе се нанесе и ќе биде долготрајна.

3.Слоевитост
Пред сенката во прав, на очите нанесете малку сенка во крем во слична нијанса. Внимание - немојте да претерувате со сенката бидејќи крајниот резултат би делувал неуредно.

4.Водоотпорен туш
Имате проблем со тушот за очи кој брзо се брише. Набавете си водоотпорна варијанта. Истото важи и за моливот за очи. Ќе трае цела ноќ, а лесно можеш да ги исчистите со бебешко масло.

5.Извиткајте ги трепките со виткач
Многу шминкери велат дека тоа е еден од најдобрите начини визуелно да ги зголемите очите, а од некоја непозната причина, после оваа постапка - маскарата трае подолго.