Дали сте подготвени за еден пијалок, за да го прославите доаѓањето на викендот? Ви нудиме една неалкохолна алтернатива која ќе ви биде од корист и за здравјето...

Време да го прочистите организмот. Ви нудиме една извонредна антиоксидантна бомба - микс од јагоди, боровинки и манго со малку вода. Ако не сте обожаватели на манго, може да го замените со праски.

Антиоксидантите се корисни во борбата против брчките и стареењето на кожата, го намалуваат ризикот од некои болести, вклучувајќи рак, и помагаат за имунитет.

Боровинките го намалуваат крвниот притисок, јагодите го чуваат срцето, а мангото е добар извор на влакна и витамини.

1 чаша свежи боровинки (или замрзнати)
1 чаша (околу 5) свежи јагоди (или замрзнати)
2 чаши излупено и насечкано (на поголеми парчиња) манго
1/4 чаша вода

Испасирајте го овошјето со водата до додека да добиете хомогена смеса. Прецедете и ако е потребно додадете уште вода.

Пред сервирање врвот гарнирајте го со парчиња манго, боровинки или јагоди (по избор). Може да отстои во фрижидер до 2 дена (протресете добро пред сервирање).

Ако сакате да го претворите пијалокот во крем, тогаш треба да комбинирате 1 чаша од него и да додадете коцки мраз, ½ чаша кисело млеко и 1 банана.