Лошиот ноќен сон е причина за дебелеење, покажува американско-канадско истражување...

Непријатниот одмор во текот на ноќта го зголемува нивото на хормоните поврзани со таложење на килограми, што ги тера луѓето да чувствуваат неодолива желба за слатки или масна храна за да се борат против заморот и недостатокот на концентрација, открија научниците.

Ова може да доведе до маѓепсан круг, бидејќи луѓето лишени од сон доживуваат "шеќерни напади" откако конзумирале нездрави храна како бисквити, чоколади, чипсови. Набргу потоа тие се следени од енергетски напади, кои ги тераат да јадат повеќе масна храна.

Според истражувачите од Детската болница во Источно Онтарио, САД, и Универзитетот Лавал во Квебек луѓето кои се стремат да ги стопат килограмите, имаат потреба од добар ноќен сон меѓу 5,5 и 8,5 часа, во комбинација со добра исхрана и вежби.

"Одлуката за симнување на килограми не е толку лесна како јадете помалку, движете се повеќе и повеќе спијте. Но, се повеќе истражувања покажуваат дека навиките за спиење не треба да бидат игнорирани кога се препишува програма за симнување на килограми на пациент со прекумерна тежина. Сонот треба да биде вклучен во пакетот од секојдневните активности, кој традиционално е фокусиран околу исхраната и физичката активност", велат авторите на студијата д-р Жан-Филип Шапио и д-р Анџело Тремблај.

Научниците утврдиле дека спиењето повеќе од девет часа ги потиснува гените кои водат до таложење на килограмите.