Германски научници открија врска помеѓу ниското ниво на витамин Ц, нивото на бета-каротин и деменцијата. Тоа значи дека овошјето и зеленчукот богати со антиоксиданси, како спанаќ, моркови и кајсии, можат да помогнат во борбата со болеста...

Научниците барале разлики кај 74 лица, засегнати од Алцхајмерова болест и 158 здрави доброволци. Истраживањето се вршело врз учесниците на возраст меѓу 65 и 90 години така што одговориле на прашања поврзани со нивниот начин на живот, резултатите од крвните истражувања а бил земен во предвид и индексот на телесна маса.

Тимот под водство на проф Габриеле Нагел и проф Кристине фон Арним утврдил дека серумската концетрација на антиоксидантите витаминот Ц и бета-каротинот е значително помала кај пациенти со блага форма на деменција, отколку во контролната група.

Што се однесува до другите антиоксиданси, како витаминот Е, ликопенот и коензимот Q10, не биле пронајдени слични разлики.

Сепак потребни се истражувања со повеќе учесници, за да се потврди дека витаминот Ц и бета-каротинот можат да се користат како превенција против Алцхајмеровата болест, изјавил д-р Нагел од Универзитетот во Улм.