После дводекадно истражување, научниците успеаа да изолираат два вида на антитела наречени PG9 и PG16, кои се способни да ја блокираат работата на ХИВ вирусот кој е причинител на Сидата.
За прв пат антителата се изолирани од пациент од Африка, а за да се постигне ова откритие испитувања се вршени на повеќе од 1800 примероци на крв земени од пациенти од Тајланд, Австралија и Африка кои биле инфицирани од вирусот ХИВ повеќе од 3 години без инфекцијата да премине во СИДА.
Вакцина сеуште не е направена на база на овие нови откритија но е голем напредокот во работата на ова поле. Имено, значајно во ова истражување е тоа што е вршено истражување на дел од ХИВ вирусот кој до сега не бил земен во предвид при истражувањата правени за пронаоѓање на вакцина. Новопронајдените антитела се врзуваат за протени кои се наоѓаат на површината на вирусот, наречени GP120 и GP41, кои имаат улога во завземањето на клетките од страна на ХИВ вирусот.
Според Светската Здравствена Организација во светот повеќе од 33 милиони луѓе се инфицирани од ХИВ, а повеќе од 25 милиони умреле од СИДА. Голем дел од експерименталните вакцини не вродија со плод поради тоа што вакцината ги прави луѓето понеотпорни на вирусот. Нови надежи се полагаат на ова ново откритие во постигнување на конечната цел, изнаоѓање на молекула која ќе го стимулира човечкиот организам да произведува антитела кои ќе го неутрализираат вирусот на ХИВ.