Лоша вест за оние кои сакаат викендот да "одлепат" од спиење. Научниците велат дека со останувањето што подолго во кревет во текот на викендот, всушност се заморуваме повеќе...

Погрешно е да се обидуваме сабота и недела да го надокнадиме сонот, затоа што со тоа само го зголемуваме чувството на замор и поспаност, па така и потешко се будиме во понеделник наутро. Тим на истражувачи од универзитетот Саутвестерн во Тексас, откирл дека продолженото спиење преку викендот го нарушува нашиот биолошки ритам - внатрешниот телесен часовник кој ни кажува кога е време за спиење, јадење, будење и извршување на останатите телесни функции.

Тој ритам кој се повторува секои 24 часа, се нарушува доколку се обидеме да воспоставиме друг, "нормален" циклус на спиење. Излежувањето во кревет во сабота и недела наутро, не е ефикасен метод за ослободување од заморот кој сме го акомулирале во текот на седмицата.

"За да го одржиме нашиот внатрешен часовник, треба да одиме на спиење осум часа пред вообичаеното утринско будење", изјавил др. Картер.