Климата трајно се насели во домовите и канцелариите. Ги забележавте ли веќе ефектите врз кожата и косата?...

Температурата на воздухот има големо влијание врз состојбата на кожата. Изладената просторија предизвикува побрзо сушење и затоа на кожата и треба дополнителна хидратација.

Кога стоите долго време во климатизирани простории, додека надвор е жешко, постои опасност да дојде до конфузија на терморегулацијата на телото. Лачењето на пот и масти ќе се намали и така кожата ќе се исуши.

Нечистите филтри на климатизацијата може да предизвикаат егзема и различни инфекции.

По можност, избегнувајте го долгиот престој во соби со клима уред. Вложувајте повеќе грижа за кожата и косата - навлажнувачки маски, креми и сл. Убаво е да држите сад со вода во собата, за да се навлажнува воздухот.