Демографи од Лондон и Осло открија дека независно од стресот поврзан со родителските обврски, децата во семејството се фактор кој го продолжува животот на луѓето...

Научниците ги анализирале биографиите на 1,5 милиони Норвежани на возраст од 45 до 68 година, истражиле 60 илјади смртни случаи и се обиделе да воспостават врска помеѓу образованието, брачна состојба, имањето деца и должината на животот.

Досега се правени испитувања само за врската помеѓу мајчинството и смртноста. На пример, ризикот од смрт кај мајка на две деца е за 50% понизок отколку кај  жени од истата возрасна група кои немаат деца.

Новото истражување покажува дека ефектот на родителството се манифестира и кај двата пола. Ризикот од смрт кај татковците е за 35% понизок отколку кај мажите без деца.