Или го сакате остриот вкус на киви или не. Сочните влакнести плодови не се само омилена декорација за колачи и креми. Добрата вест за љубителите на егзотичниот плод е дека зад чудниот изглед се крие богат извор на корисни минерали и витамини...

Кивите содржат неверојатно количество витамин А, Ц и Е. Витаминот Ц е водно-растворлив антиоксиданс, кој го штити организмот од слободните радикали, кардиоваскуларни болести, рак, па дури и дебелината.

Витаминот Е има сличен ефект, но тој е растворлив во масти и на тој начин го надополнува витаминот C во својата функција. Кивите ги содржат овие витамини во големи количини, со што го штитат организмот од многу надворешни фактори.

Диеталните влакна во кивите помагаат при болести како дијабетес (преку контролирање на нивото на шеќерот) и рак на дебелото црево (преку поврзување со влакната на токсичните соединенија во дебелото црево). Високата содржина на влакна во киви може да помогне уште и за намалување на нивото на холестерол.

Лекарите им препорачуваат на пациентите со срцева болест секој ден да консумираат од зелениот плод, за да избегнат втор срцев удар.