Потемнетиот тен полека исчезнува од нашите лица, а наместо денови исполнети со сончање, капење и безгрижни прошетки, се вративме во секојдневието во кое преовладуваат стрес и монотонија. Сето тоа се одразува на изгледот на нашето лице, па во контекст на тоа еве неколку совети кои ќе ви помогнат подолго да го задржите вашиот свеж и одморен изглед...

1.Светкави сенки на капаците
Зависно од бојата на вашиот тен, за капаците изберете бела, светлорозева или беж светкава сенка кој убаво ќе ви ги отвори очите и на лицето ќе му го врати одморениот сјај.

2.Бела сенка во аголот на окото и под веѓите
Ако сакате да изгледате свежо, во аголот на окото и под веѓите задолжително нанесете малку бела сенка.

3.Убаво дефинирани веѓи
Тенките и неправилни веѓи често на лицето му даваат уморен изглед па затоа подобро одлучете се за густи, природни веѓи кои од вашето лице ќе "отстранат" неколку години и ќе му дадат здрав изглед.

4.Розово руменило високо на јаболчниците
Светлорозово руменило во момент ја враќа свежината на лицето, а ако го нанесете високо на јаболчниците, ќе добиете изненадувачки резултати.

5.Highlighter над јаболчниците
Откако ќе нанесете руменило, на дел од лицето над јаболчниците пожелно е да нанесете малку светкав highlighter кој ќе му даде сјај на целото лице на природен начин.

6.Матирана Т-зона
Масното чело и брада делуваат неуредно па со транспарентна пудра и марамче за матирање држете ја својата Т-зона под контрола.