Заборавете ја величината, обликот, броевите кога е вашето тело во прашање. Важно е она што навистина го имате и со што можете да се гордеете. Ви претставуваме најмалку 5 причини поради кои би требало своето тело да го доживувате како совршено...
1.Вашето срце е прекрасно
Иако звучи како клише, вашето срце навистина е неверојатен орган. Отчукува од прилика 50 илјади пати во ден, што значи дека за една година бројот на отчукувања изнесува неколку милиони. Пренесува неколку илјади литри крв низ вените. Според тоа, ниедна современа машина неможе да му парира кога е совршената работа во прашање.
2.Мозокот е неверојатна машина
Милиони клетки кои управуваат со вашите движење, чувства, мислење, координација на сите други органи и многу други функции, извршуваат неверојатна работа. Мозокот во текот на животот се храни со толку многу податоци колку што нема нитуво во големите национални библиотеки. Во споредба со компјутер, во мозокот има милиони бајтови податоци. Според тоа, не е чудно што мозокот црпи 70% од енергијата на телото. Работата на мозочните клетки може дополнително да се подобри со помош на физичка активност со преку на која се зголемува протокот на крв.
3.Посебни делови на телото
Секој има дел од своето тело кој му се допаѓа, со кој е задоволен и кој не би сакал да го менува. Без оглед дали тоа се прстите, стапалата, рамната коса, висина, уши...само треба да се насочите кон оние делови поради кои се чувствувате добро, и така да ја зголемите вашата самодоверба. А знаеме дека самодовербата е она што придонесува за целокупниот изглед.
4.Гледајте се себе си со други очи
Ситните неправилности на лицето, влакна, асиметрија и слични поединости на вашето тело ги забележувате само вие. Затоа што другите не ве набљудуваат до најситен детал со часови, како што вие го правите тоа пред огледало. Замислете се себе си со други очи, на пример со очите на лицето кое ве сака. Како што тоа го гледа само доброто во вас, пробајте и вие да правите така и ќе се чувствувате подобро.
5.Моќта на промените
Дури и ако сте незадоволни со своето тело, секогаш може да го подобрите. Факт е дека со самата физичка активност може да направите чуда. Исто така, додека вежбате, размислете само на сложеноста на процесите кои се случуваат во вас. Вашето тело е само по себе еден совршен механизам кој заслужува почит, колку и понекогаш да сте незадоволни од него. Но, тоа што подарокот го содржи внатре во кутијата е многу поважно од украсната хартија во која е завиткан.
