Ако некој ги знае најдобрите трикови за убавина, тоа сигурно се манекенките чија работа во секој момент изгледа беспрекорно...

Порталот на списанието Grazia објавил листа на мали трикови со помош на кои ангелите од модната куќа Victoria's Secret го одржуваат беспрекорниот изглед, а супер е тоа што сите постапки се едноставни и ефтини па лесно може да ги направите и дома.

Миранда Кер
Секси Миранда лудува за маслиново масло па така редовно го нанесува на врвовите на косата и го остава да стои преку ноќ. Со таквата постапка го спречува настанувањето на испукани врвови и ја одржува косата сјајна и здрава.

Мариса Милер
Прекрасната плавуша е позната по своите бујни кадрици кои ги одржува со доста ефтин третман. На косата секои десет дена обилно нанесува регенератор, ги расчешлува врвовите, ја собера косата во пунџа и ја мие после 24 часа.

Каролина Куркова
Каролина тврди дека за убавиот изглед на нејзиното лице е доволен само еден лимон. Таа, наводно, сокот од лимонот го нанесува директно на кожата на лицето за да му го врати бојата и сјајот. Лимонот содржи витамин Ц кој често се користи во различни креми, но со оглед на тоа дека е доста агресивен, пред изведување на оваа постапка подобро советувајте се со својот дерматолог.

Алесандра Амбросио
Прекрасната бразилска манекенка вели дека секојдневно пие вода од кокос, која и помага нејзината кожа да изгледа свежо, блескаво и еластично. Се верува дека водата од кокос со своите состојки дава младешки изглед и прави чуда за кожата, па освен Алесандра ја пијат и многу други славни девојки.