Многу девојки го бират бричењето со жилет отколку депилација со восок, а најчеста причина е стравот од болка. Еве неколку мали трикови како да ја ублажите болната депилација...

Не депилирајте се сами
Немојте да се обидувајте да се депилирате сами. Ако депилацијата ја направите во салон ќе заштедите време, пари и болка а и може да бидете сигурни дека не ви останале делови кои сте ги заборавиле.

Подгответе ја кожата
Ден пред депилација направете пилинг. Восокот подобро ќе се соедини ако на кожата нема мртви клетки и маснотии. Доколку кожата ви е масна, нанесете бебешка пудра на деловите кои ќе ги депилирате. Исто така, кога кожата е загреана, порите се отвораат и влакната се отстрануваат полесно.

Внимавајте на чувствителноста на кожата
Избегнивајте го кофеинот, алкохолот и цигарите барем два часа пред депилација затоа што тие ја зголемуваат чувствителноста на кожата. Кожата исто така е чувствителна за време на ПМС и циклусот па добро е депилацијата да ја избегнувате во тоа време.

Одвлечете си го вниманието
Обидете се да се опуштите. Читајте списание или играјте игри на мобилен, било какво одвлекување на вниманието е подобро од исчекување на болката.