Пушењето марихуана во тинејџерските години доведува до намалување на интелектуалните способности во подоцнежната возраст...

До ваков заклучок дошол истражувачкиот тим на чело со Медлин Мајер од Универзитетот Дјук во САД.
"Пушењето марихуана не е воопшто безопасно. Во зрела возраст, оние кои претерувале со неа постигнуваат резултати со 8 до 10 поени пониски на тестовите за интелигенција, во споредба со своите врсници", покажуваат резултатите од истражувањето на Мајер.

Во набљудуваната група имало мажи и жени на 38 годишна возраст. Сите тие биле подложени на тест за интелигенција, кога биле на 13 години. Сега тие повторно биле тестирани, но биле поделени во две групи - корисници на марихуана и не корисници во времето кога биле тинејџери. Се покажало дека оние кои некогаш пушеле трева, сега потешко се справуваат со поставените задачи. Проблемите биле главно со концентрацијата и поради оваа причина екс-пушачите едноставно ги оставале своите задачи недовршени. Нивното IQ во просек било помало за 8-10 поени, во споредба со она на врсниците, кои во адолесценцијата не користеле марихуана или го правеле тоа ретко.