Успеавте ја намалите телесната тежина, но како да ги задржите килограмите засекогаш? Луѓето кои држат диети, често велат дека успеваат да ја достигнат тежината за која сонуваат, но веднаш потоа повторно ги враќаат килограмите...

Но, научници открија зошто се случува ова и според нив, трикот за перманентно слабеење е да намалиме 300 калории од секојдневната конзумација на храна. Во студијата, претставена на Европскиот конгрес на дебелината оваа година, професорот Мајкл Розенбаум забележал дека луѓето на диета, треба да консумираат 22% помалку калории од луѓето кои не се подложени на диета, за да можат да ја задржат тежината. Тоа значи дека човек кој не држи диета, може да конзумира до 1600 калории на ден и да не качува килограми, а човек кој држи диета, и има иста тежина како кога не водел сметка за исхраната, треба да се придржува кон 1300 калории дневно.

"Се верува дека овој феномен може да биде објаснет со ефектот кој диетата го има врз мускулите. Мускулите при диета имаат потреба од помалку калории за да ја вршат истата работа, како оние на луѓето кои не биле подложени на диета" објаснува диетологот Лина Пател, портпарол на Британската асоцијација за дијабетис.

Со напредувањето на возраста сликата станува уште мрачна. "Чистата мускулна маса му помага на телото да согорува повеќе калории, но со стареењето мускулната маса се намалува заедно со метаболизмот. Како резултат на тоа во телото ни се потребни помалку калории за да ја одржуваме тежината", додава Пател.