Ако сакате да изгубите некој килограм, би требало да вежбате половина час секој ден, велат научниците. Ако вежбате час време дневно, резултатите ќе бидат послаби....
Научниците од универзитетот во Копенхаген утврдиле дека умереното секојдневно вежбање во траење од половина час дава најдобри резултати во намалувањето на килограмите. Студијата покажала дека здравите и умерено гојазните мажи кои вежбаат половина час дневно, губат повеќе килограми од оние кои вежбаат посветувајќи цел час, но научниците не утврдиле зошто е тоа така.
За три месеци испитаниците кои половина час дневно трчале, возеле велосипед или веслале, во просек изгубиле 4 кг, додека оние кои со тие активности се занимавале час време секој ден во истиот временски период ослабеле 3 кг.
Иако нема рационално објаснување за ваквите резултати од истражувањето, научниците претпоставуваат дека половина часовното вежбање дава подобри резултат затоа што после него мажите јадат помалку отколку кога вежбаат час време.
