Научниците од Орегон направиле 4 бебиња мајмуни кои имаат по три родитела. Тие ја користеле методата на Ин Витро оплодување и од едната јајце-клетка ја префрлиле ДНА-та во друга за да го спречат ширењето на неизлечливите наследни болести. Веруваат дека оваа метода на генетското инженерство низ неколку години, ќе „даде“ и деца.



Со дефект на митохондрија, во Британија се раѓаат околу 150 деца годишно. Болестите кои се последица можат да бидат најразлични - фатално затајување на црниот дроб, срцето или бубрезите, епилепсија, слепило, мускулна дистрофија, остеопороза, дијабетес, Алцхајмерова и Паркинсонова болест...и уште многу други. Со оваа метода би се овозможило спречување, жената која носи „расипан“ ген, односно лоши митохондрии, да го пренесе и на своите деца, затоа што митохондриската ДНА може да се пренесе само преку јајчните станици, а не и преку спермата.


Ако мајката има некоја генетска болест, нејзината здрава ДНА би била пренесена во јајчната станица која е донирана од друга жена, која би ја надоместила „расипаната“ митохондрија. Така зачнатите деца би имале тројца родители - мајка, татко и донор.