"Моќниот" зеленчук - брокула, може да го прекине ширењето на ракот на дојката, тврдат стручњаците. На пациентките на кои им е дијагностициран рак на дојката научниците им дале лек направен од брокула, сакајќи да утврдат дали состојките на овој зеленчук можат да влијаат на "движењето" на клетките во организмот...

Бројни поранешни истражувања покажале дека состојките кои ги лачиме по конзумирањето на брокула можат да ги потикнат заштитните ензими и ткивото на дојката. Благодарение на дозата глукорафин кој е издвоен од брокулата, заклучено е дека со неговото дејство се создаваат молекули кои го штитат организмот од малигни заболувања.

"Сулфорофанот кој настанува по внесувањето на глукорафанинот е многу важен. Овој молекул помага во одржување на здрава рамнотежа на антиоксидансите во организмот и делува "погубно" на канецерогените материи", изјавила докторката Марија Трака од истражувачкиот тим.

Стручњаците препорачуваат овој зеленчук да се најде на вашето мени дури 3 до 4 пати во текот на седмицата.