Средените и убави раце се сон на секоја жена. Со оглед на тоа дека за маникир тешко се издвојуваат време и пари, кога ќе ги средите своите нокти и раце до совршенство правите се за да ги задржите такви што подолго. Ова се 4-те најлоши непријатели на маникирот...

Машина за сушење алишта
Ако мислите дека чистите алишта и садови не може да му наштетат на вашиот лак за нокти се лажете. Избегнувајте го вадењето на чистите алишта или садови од машина веднаш по сушењето, затоа што високата температура е тоа што ќе го оштети вашиот лак за нокти. Причекајте барем 20 минути по завршување на програмата.

Средства за чистење
Агресивните средства за чистење се најголем непријател на вашите нокти, но и раце. Тие ја сушат кожата, ги уништуваат ноктите, предизвукуваат заноктици, а убавиот лак на вашите нокти го претвораат во исушена маса. Затоа при чистење секогаш користете гумени ракавици.

Пилиг за лице и тело
Иако пилингот е повеќе од потребен за кожата поради отстранувањето на мртвите клетки кои ја прават мека и свежа, за жал сличен ефект има на лакот и на ноктите.Триењето на сувите зрна ќе го оштети лакот особено на рабовите од ноктите.

Креми за самопотемнување
Потемнетиот тен е многу поздрав за кожата од солариумот и сончањето, но затоа е голем непријател на вашите нокти. Пигментот кој вашата кожа ќе ја направи потемна останува на рабовите на ноктите и создава жолтеникав слој кој воопшто не изгледа привлечно.