Во потрага по совршена фризура често правиме грешки мислејќи дека некоја фризура која ќе ја видиме на фотографија ќе изгледа совршено и на нас. Промената на фризурата е тешка одлука и ретки се оние кои без малку страв седнуваат на фризерското столче. Пред да се одлучите за некаква промена добро размислете каква должина сакате затоа што косата сепак нема да порасне преку ноќ...

Кратка коса
Девојките кои имаат мал нос и уста изгледаат подобро со кратка коса. Убавите црти на лицето секогаш се подобро истакнати со кратки фризури. Кратката коса бара секојдневно обликување и редовно шишање. Ако сакате чести промени на бојата на косата, изгледот или пак имате некој посебен стил, кратката фризура е идеална за вас. Таа е многу поспецифична од другите фризури а им прилегаат на девојки со таков карактер.

Долга коса
Долагата коса го заострува лицето и визуелно ги намалува нашите пропорции. Може да биде голем плус за девојките кои се високи и крупни. Долгата коса исто така бара нега, мора да биде здрава и одржувана. Густата и квалитетна коса најдобро изгледа во раскошно долго издание како и кадравата коса која во кратко издание често знае да биде тешка за обликување и одржување.