Истражувањето на научниците од Харвард покажува дека луѓето со нулта крвна група имаат природна заштита од болестите на срцето...

За разлика од нив, луѓето со крвна група АБ, која е и најретка, имаат 23 проценти поголеми шанси да добијат срцев удар во споредба со другите лица.

Луѓето со крвна група Б имаат 11 проценти, а oние со крвна група А имаат 5 проценти поголем ризик од срцеви болести.

Крвната група 0 има одредени супстанции кои ја помагаат циркулацијата и ја намалуваат можноста од настанување на крвно згрутчување, со што се намалува ризикот од срцев удар.

Исто така, крвната група А е поврзана со акумулација на лошиот холестерол во крвта, додека крвната група АБ се поврзува со поголем ризик од воспаленија кои имаат клучна улога во оштетувањето на артериите.

Водителот на студијата, професор Лу Чи, вели дека луѓето од загрозените групи иако не можат да ја променат својата крвна група, можат да ги променат своите животни навики и да ги намалат шансите од добивање срцеви тегоби.

Откажете се од цигарите, редовно вежбајте, хранете се здраво и одржувајте нормална телесна тежина - и не е важно која крвна група сте.