Денови без шминка, фенирање на косата и различни козметички производи, за повеќето девојки се еден од главните благодети кои ги носи годишниот одмор...

Но, без оглед на "опуштеноста", важно е да обрнете внимание на следниве работи - ако сакате од летување да се вратите уште поубави.

Лице

Поради изложеноста на сонце и ветер, кожата ја губи влажноста и еластичноста што може да доведе до предвремено стареење на лицето. Хидратантна крема нанесувајте неколку пати на ден и не ги заборавајте вратот и деколтето.

Коса

Во лето е многу важно да обезбедите дополнителна нега за вашата коса измачена од морето и сонцето, така на неколку дена ставете маска и држете ја на главата околу десет минути. Можете да користите и маслиново масло кое е одлична храна за косата и телото.

Петици

Ако сакате стапалата да ги задржите убави и меки, редовно нанесувајте дебел слој хранлив крем на нив. Кремата за раце е одличен избор и за нозете.

Раце

Сувите раце и кутикулите ќе го уништат и најубавиот маникир, а покрај тоа придонесуваат вашето тело да изгледа постаро. Рацете редовно мачкајте ги со крема, а за кутикулите употребувајте серум или масло за тело.

Очи

Брчките околу очите често настануваат во текот на летото, поради трепкањето и губењето на влага во кожата, па оваа непријатна појава треба да ја спречите навреме. Пијте многу вода, а подрачјето околу очите редовно мачкајте го со хидратантен или хранлив крем наменет за тој дел од лицето.