Јогата ja намалува депресијата кај бремените жени и ja засилува маjчинската врска со бебето, утврдија американските научници...

Ова е првата студија, која докажува дека јогата е ефикасно сретство во борбата против депресијата кај идните мајки.

Хормоните за време на бременоста предизвикуваат промени во расположението, како резултат на тоа една петтина од жените паѓаат во тешка депресија.

Истражувањето на научниците од универзитетот во Мичиген открива дека јогата, која со години се препорачува како средство за олеснување на стресот, може да ја намали депресијата. Идните мајки со висок ризик од ментални проблеми нашле сериозен лек против депресивните симптоми, откако се вклучиле во 10-неделна јога програма. Покрај тоа, тие пријавиле и посилна приврзаност кон бебето во својата утроба.

"Сме слушнале за бремени жени кои тренираат јога, за да го намалат стресот, но досега немаше податоци колку ефективен е овој метод. Нашето истражување прво и сигурно докажува, дека јогата може да биде ефективна алтернатива на лечењето со лекарства на бремените жени, кои покажуваат знаци на депресија. Таа придонесува за благосостојбата како на мајката, така и на бебето ", вели авторката на студијата Марија Муз.

Пореметувањето на менталното здравје во текот на бременоста, вклучувајќи депресија и загриженост, стана сериозен проблем за здравјето на идните мајки. Хормоналните промени, генетските предиспозиции и социјалните фактори се причината на бремените жени да имаат постојана нервоза, истоштеност и неспособност за справување со стресот.

Ако не се лекуваат, овие симптоми можат да создадат сериозни ризици за здравјето како на мајката, така и на бебето, вклучувајќи неухранетост, преклампсија, предвремено породување и нарушена врска со новороденчето.