Сонцето и солената вода имаат позитивно но и негативно влијание врз нашата коса. По долгиот летен одмор костата е оштетена, сува и без сјај. Спасот не мора да го барате кај стручно лице, туку за вашата коса може да се погрижите сами со помош на некои состојки од вашата кујна...
За сјајна и мека коса
Помешајте маслиново масло и лимон и нанесете ја сместа на косата, масирајќи го темето со силни кружни движења. Оставете да делува 30-тина минути, а потоа измијте со шампон и топла вода.
За освежување на избледената боја
Плавата коса може да ја измиете со чај од камилица или вода во која ќе додадете сок од лимон. Темно обоената коса измијте ја со црн чај, а црвената со сок или чај од брусница.
За обновување на сувите врвови
Измешајте жолчка со лажица мед и смесата еднакво распоредете ја по свежо измиената коса. Завиткајте ја во крпа или ќеса и оставете да делува 15 минути а потоа добро измијте.
