Секоја физичка активност го потхранува женскиот мозок и го штити од ментални проблеми...

До овој заклучок дошле канадски невролози кои направиле истражување на 9000 претставнички на понежниот пол. Се покажало дека умерениот спорт ја намалува веројатноста од старечка малоумност во поодминатите години. Според научниците особено важна е физичката активност кај децата, бидејќи тоа ќе помогне за нормална работа на мозокот во текот на годините.

Истражувачите докажаа уште дека кај жените кои започнале да вежбаат на 30 или 50 години, исто така се намалил ризикот од когнитивна дисфункција, односно слабеење на можноста да се зачуваат нови знаења.

Научниците уверуваат дека секоја физичка активност има позитивно влијание врз мисловните процеси и пластичноста на мозокот. Освен тоа штити од хипертензија, дебелина и дијабетес.