Ако сакате да го промените својот изглед, заборавете на шокантните трансформации. Доволни се мали трикови, едноставни и ефикасни, со кои за миг ќе постигнете сосема нов изглед...

Зголемете ги усните
Сјајот за волумен и светлиот кармин во комбинација со моливче за усни ќе направат чудо. Секси усните ќе го променат вашиот израз на лицето и ќе делувате нежно и сочно. Сјајот нанесете го врз карминот во дебел слој.

Осветлете ја косата
Колку косата е посветла, толку кожата на лицето е посјајна. Ова е мал трик кој зема неколку години од вашето лице. Темната коса ги истакнува цртите на лицето а со тоа и брчките, додека посветлата нијанса ги ублажува. Доволно е да ја осветлите коста за една нијанса.

Истакнете ги јаболчниците
Заменте го руменилото во прав со она во кремаста варијанта, образите ќе бидат поистакнати и посјајни а ефектот ќе биде веднаш видлив. Важно е да нанесете руменило на горниот дел од образот и тоа исклчиво со прстите.

Преместете го патецот на вашата коса
Еден од наједноставните и најефикасните начини за промена на фризурата и изгледот е преместувањето на патецот на косата. Префрлете ја косата на една страна, направте цик-цак патец или ставете го на средина, не е важно кој начин ќе го одберете само нека биде различен од секојдневниот.

Извиткајте ги трепките
Обилно нанесте маскара и поставете го виткачот блиску до коренот на горните трепки и притиснете. Мал трик со кој вашиот поглед ќе изгледа посебно и заводливо.