Луѓето ги забележуваат вашите нокти. Затоа внимавајте да не се најдете во ситуација да ги видат несредени . Ви нудиме 10 совети за убави нокти на рацете и на нозете...

1.Најубавата форма на ноктите не е долга, кратка или квадратна, таа е квадратно-овална. Постигне ја оваа форма така што ќе ги истурпите рабовите да личат на закривување во основата на ноктот. Покрај тоа, квадратни рабови на ноктите ги прават прстите да изгледаат дебели.

2. За да бидете сигурни дека ноктите ви се со еднаква должина споредете го секој пар.

3. Вртете шишенцето со лак меѓу дланките, наместо да го протресувате. На овој начин не се создаваат меурчиња.

4. Пред да ги лакирате чистите нокти, натопете вата со отстранувач за лак и избришете ги. Ова ќе ги отстрани остатоците од маснотии или сапун, кои можат да предизвикаат брзо лупење на лакот.

5. Еден трик при нанесување на лак: држете четкичка меѓу палецот и средниот прст, а со показалецот притискајте одозгора.

6. Нанесувајте тенки слоеви, за да постигнете најдобри резултати. Започнете со тенок слој на основа, а потоа нанесете тенок слој лак. По потреба може да нанесете уште еден тенок слој лак.

7. Откако маникирот или педикирот ви е подготвен, ако сте ја извалкале кожата со лак, можете лесно да ја исчистите, така што стапче за чистење уши ќе  натопите во ацетон и полека ќе поминете преку замачканото место.

8. Забрзајте го сушењето на прстите на нозете со фен (вклучен да дува ладно). Осигурајте се дека фенот е оддалечен најмалку дваесетина сантиметри од вашите нозе.

9. Ако ноктите ви се пожолтени или валкани, нанесете капка малсо од лаванда или лимон за нокти и користете турпија за полирање за да ги исчистите дамките.