Во серија експерименти младите мајки се справиле подобро од жените кои немале деца, на тестовите за визуелно-просторната меморија - способност да ги прифатат и да запомнат информациите за животната средина...

Водичот Мелиса Сантијаго од универзитетот Карлос Албису во Мајами вели дека резултатите се спротивни на верувањето дека меморијата и когнитивни функции на жените се намалуваат, откако ќе родат дете.

Сантијаго анализирала информации од 35 жени кои станале мајки за првпат, чии деца биле на возраст меѓу 10 и 24 месеци, како и информации од 35 жени, кои никогаш не забремениле. И двете групи имале слични резултати на тестовите за интелигенција.

За истражувањето на визуелно-просторната меморија на жените им бил прикажан лист со шест карактери за десет секунди, по што тие биле замолени да го насликаат она што го запомниле. Задачата била повторена повеќе пати. Првиот пат кога на жените им бил прикажан листот, и двете групи запомниле речиси ист број на карактери.

Но, на вториот и третиот пат мајките се справиле подобро од жените кои немаат деца, што покажува дека со секој следен пат мајките помнат повеќе информации од другите жени. Подоцна на жените им биле прикажани различни карактери и тие биле замолени да се сетат кои од нив биле присутни и во првата задача. И тука повторно мајките покажале подобра меморија.

За време на бременост настапуваат многу физиолошки промени во телото и претходни истражувања покажаа дека дури и мозокот се намалува за 5%. Но, тој се враќа во нормалните димензии по раѓањето и за време на повторен раст мозокот може да се премоделира на начин кој ќе доведе до промени во меморијата, било забележано за време на истражувањето.

Сатијаго додава дека нивните наоди треба да бидат проверени преку истражување за подолг период на поголема група жени со различна етничка припадност.