Грозјето е преполно со состојки кои се одлични за нашиот организам, а со оглед на тоа што сезоната на овој свеж и вкусен плод е во тек, пробајте ја оваа диета...

Грозјето е идеално овошје за летна еднодневна диета, бидејќи пазарите буквално се преплавени со сочни гроздови. Овој продукт има висока хранлива и диететска вредност, а делува и како природен тоник за организмот.

Содржи во просек 20 проценти шеќери, а со тоа има и висока енергетска вредност, покрај тоа има доволно витамин Ц и е важен извор на калиум.

Главната вредност на грозјето е во биофлавоноидите, соединенија кои се вредни антиоксиданси и ги штитат клетките од штетното влијание на слободните радикали. Грозјето, исто така, делува превентивно на голем број болести и го забавува стареењето на организмот.

Најдобар извор на флавоноиди е сокот од црното грозје. И семките се вреден извор на активни состојки кои делуваат на намалување на холестеролот.

Летото е најдобро време за еднодневно чистење на организмот со грозје. Со оглед на тоа што содржи многу вода, во која се растворени минерали и витамини, воедно и целулоза, дава чувство на ситост без вишок на калории.

Еднодневната диета со зрна грозје има диуретично дејство, промовира нормално варење и ги чисти цревата, го тонизира организмот и овозможува губење на килограми.

Оваа диета не може да биде поедноставна, доволно е да купите околу два килограми грозје и да го јадете во текот на целиот ден, без ограничување, во секое време кога ќе посакате.