Во летните денови на косата и е потребна додатна нега. Иако помалку користиме фен, сонцето е доста јако а со тоа и  неговото влијание врз косата. Негуваната, миризлива и мека коса не влијае само на изгледот, туку и на самодовербата. Како да ја одржувате косата сјајна во лето...

1.Нахранете ја
Маска, регенератор, балзам и масло ќе ви помогнат во обновување на косата. Внимателно втријте ги во темето и оставете да делвуаат 10 до 15 минути и потоа измијте. Регенераторот измиjте го по 2-3 минуит. За престој на плажа косата напрскајте ја со спреј со заштитен фактор или намачкајте ја со крем за сончање. Во лето на косата исто така може да нанесете млеко за тело затоа што влажноста и негата во топлите денови никогаш не е доволна.

2.Заборавете на пеглата
Во летните месеци заборавете на пеглата и електричните апарати за коса. Пуштете ја косата да одмори, затоа што летото е флексибилно кога е фризурата во прашање. Направете плетенка, пунџа или пуштете ја косата природно нека паѓа.

3.Измијте ја солта
Откако ќе завршите со капењето во море, имијте ја косата со чиста вода, немојте да ставате шампон по секое капење но немојте ниту да ја оставате солта преку ноќ на коста затоа што таа ги нагризува влакната и ја суши.

4.Шеширот ја чува главата
Заштитете ја косата со шешир кога сте на плажа, на овој начин ќе го заштитите и лицето од штетното влијание на сонцето.

5.По летото на шишање
Откако ќе завршите со уживањето на море, колку и да се грижите за својата коса таа нема да помине целосно неоштетено, затоа скратете ги испуканите врвови. Редовното шишање е најважен чекор во негата на косата.