Постојат девет природни законот, кои треба да се почитуваат за да се зачува или обнови здравјето, тврди нутриционистот Пол Бријег во напис објавен во престижното научно издание American Journal of Public Health...
Во нив, освен законите за физичките оптоварувања, исхраната, прочистувањето, сонцето, воздухот и водата, позитивниот став и др, влегува и законот за одмор.
Ако не го добиеме потребниот одмор, ние си "помагаме" во натрупувањето на токсини во организмот, а тоа води до развој на разни болести.
Како целина авторот тврди дека треба да се одмара секој ден, 1 ден во неделата и 3-4 недели во годината.
Најважниот вид рекреација според Пол Бријег е сонот. Тој ја задржува и враќа животната енергија, слабеат тензиите, се обновуваат уморните мускули, внатрешните органи и нервниот систем, се израмнуваат брчките, ги отстранува подочниците и ја враќа здравата боја на лицето. Редовниот длабок сон е добар лек против предвремено стареење и е најевтиното козметичко средство за зачувување на свежината и еластичноста на кожата.
Колку време треба да се спие
Наполеон на пример, кој спиел 4 часа на ден, тврдел дека мажите треба да спијат 5 часа, жените - 6, а 7 часа спијат само идиоти. Искуството покажува дека луѓето треба да практикуваат 8-часовен исполнет сон, а малку се оние на кои им се доволни 6-7 часа. Сонот кој трае само 4-5 часа ја нарушува работата на надбубрежната жлезда, води до појава на проблеми во целиот хормонален систем на организмот и емоционалната состојба.
Најдобро време за спиење е меѓу 22 и 5 часот. Организмот на "бувовите", кој е буден во текот на ноќта има потреба од "допинг": тој е принуден да произведува 1,5 пати повеќе хормони. Ризикот за инфаркт кај овој тип на луѓе е 1,5 пати поголем, тие почесто се загрозени од атеросклероза, рано стареење, хипертензија, аритмии. Хормонот на добро расположение - меланонинот се произведува токму под влијание на раните сончеви зраци.
Сонот се разбира е од витално значење, но многу е важен и психолошкиот став пред заспивање. "Црните" мисли буквално ја водат свеста во светот на лошите соништа, а тоа ги зголемува и непријатните емоции во текот на денот. Затоа пред спиење мислете позитивно - мислете за пријатни и весели работи, советува авторот.
