Правилното чистење на лицето е многу повеќе од отстранување на шминка. Неадекватното чистење на лицето може да доведе до појава на акни или сува кожа, па затоа е многу важно да користите препарати кои се наменети за вашиот тип на кожа...

1.Масна кожа
Масната кожа бара гелови за лице кои ќе ги отстранат сите нечистотии без оставање на масни траги. Откако ќе го исчистите лицето од пената која се создава од гелот, земете антисептички лосион и нежно нанесете го на лицето.

2.Комбинирана кожа
Комбинираната кожа најчесто е тип на кожа со која треба внимателно да се постапува. Сувите образи и масната Т-зона бараат внимателно одбрани препарати па затоа најдобро е шминката ја отстраните со пена или млеко, за да не ги сушите образите, а Т-зоната треба да ја третирате со матирачки лосион кој ќе ја прочисти и ќе ја држи под контрола.

3.Сува кожа
Важно е да разликувате сува од дехидрирана кожа (сувата е затегната и склона кон псоријаза, но нема мозолчиња), затоа што на едната и е потребна влага а на другата храна. Сувата кожа е најдобро да ја чистите со мелеко со хранливи состојки и при тоа да нанесете хранлив лосион наменет за сува кожа.

4.Чувствителна кожа
Овој тип на кожа најмногу бара за одржување па добро е да се внимава при изборот на препарати за чистење на лицето. Во предвид не доаѓаат никакви агресивни производи, како ни оние кои содржат алкохол. Посебна колекција наменета токму за чувствителна кожа е најдобар избор за вас и вашето лице.